H-Acero

ZER DA

H-Acero

[H-ACERO] proiektuaren helburu estrategikoa sektore siderurgikoaren deskarbonizazioan laguntzea da, altzairuaren ekoizpen-prozesuaren hainbat puntutan energia-iturri alternatibo gisa hidrogenoa erabiliz. Hau lortzeko, partzuergo honek teknologia aurreratuak eta material berriak garatzea proposatzen du, industria siderurgikoaren ekoizpen-prozesuekin bateragarriak direnak, hidrogenoan (H2) oinarritutako altzairu jasangarriaren ekoizpena lortzeko.

Horretarako, proiektu honetan lau jarduketa arlo planteatzen dira, bata ekipo aurreratuak garatzera bideratua, bestea kontsumigarrietan zentratua, hala nola erregogorra, erregai-iturri berari (H2) dagokion beste bat, eta, azkenik, ekoizpen-prozesuarekin erlazionatutako arlo bat, hidrogenoa (H2) siderurgia esparruan aplikatu ahal izateko beharrezkoa den ezagutza teknologikoa eskuratzeko helburuarekin.

Eusko Jaurlaritzak finantzatutako proiektua da, Ikerketa Industrialeko Proiektuen burutzean laguntzeko HAZITEK laguntza-programaren markoan, eta Eskualde Garapeneko Europako Funtsak (EGEF) kofinantzatua.

H-ACERO proiektuaren aurrekontu osoa 8.856.545,54 €-koa da, 3 urteko iraupenarekin.

Zergatik hidrogenoa?

Siderurgia sektore tradizionaltzat hartu izan da beti, eta oso lotuta egon da energia-kontsumo handiarekin, baita honi dagokion CO2 ekoizpen altuarekin ere. Hala, atmosferara isurtzen den CO2 guztiaren % 9-a burdinaren eta altzairuaren sektoreetatik datorrela kalkulatzen da. Testuinguru honetan, altzairuaren sektorea deskarbonizatzea erronka handia da, eta teknologia berritzaileetan inbertitzeko beharrean du abiapuntua; horrek, aldi berean, 2050erako zero emisiora iristea ahalbidetuko duen eraldaketa teknologiko bat egitea dakar.

Bestalde, hidrogeno berdearen garapena, hau da, energia-iturri garbietatik ekoitzitako erregaia, jadanik errealitate bat da. Teknologia hau deskarbonizazio iraunkorra lortzeko funtsezkotzat jotzen da, eta, beraz, Europa mailan inbertsio estrategiko bihurtu da dagoeneko.

Egoera hori oinarri hartuta, sektore siderurgikoaren balio-kate osoak ingurumen-premia horiei erantzuteko gai izan behar du. Ekipo siderurgikoen hornitzaileek beren produktuak eraldatzeko gaitasuna izan behar dute, iturri garbien erregaietara egokitu daitezen, hala nola hidrogenoaren aplikaziora, siderurgia-instalazioetako kontsumigarri desberdinak erregai berri hori erabiltzearen ondoriozko baldintza berrietara egokitu behar dira, hidrogenoa erregai garbi gisa hornitzea ahalbidetuko duen azpiegitura seguru bat garatu behar da, eta ondoriozko prozesuak oso eraginkorra izan behar du, sortutako altzairuen kalitatean eraginik izan gabe.

NORTZUK GARA

Proiektuaren liderra

Title

Sarralle Environment & Energy, Ekonomia Zirkularra eta Energiarekin lotutako sektore industrialentzat irtenbide teknologikoa eskeintzen duen Sarralleren negozio-lerroa da. Sektore siderurgikoan ingeniaritzari buruz dugun ezagutza zabalarekin H-Acero proiektuari ekarpena egiten diogu, eta proiektu honen buru izateak hidrogenoa enpresa siderurgikoetako errekuntza-ekipo guztietan integratzeko ezaguera eskuratzeko aukera ematen digu.

Parte hartzaileak

Title

Nikel eduki altuko altzairu herdoilgaitz fabrikatzailea. Hidrogenoaren errekuntza labeetan sortutako atmosferak altzairu herdoilgaitzezko produktuetan, ekipoetan eta horien erregogorretan duen eragina aztertzea.

Title

Nippon Gases gas industrial eta sendagarrien enpresa nagusietako bat da Europa mailan. Nippon Gases-ek gure bezero, langile, bazkide eta jarduten dugun komunitateekin duen konpromisoak ingurumenari eta planetaren jasangarritasunari eskaintzen diogun ardura islatzen du. “The Gas Professionals” gara, eta helburu bera partekatzen dugu: “Making life better through gas technology”.

Title

Tubos Reunidos Group altzairuzko hodien sektorean 130 urteko historia duen konpainia bat da, soldadurarik gabeko altzairuen produktu tubular berezien lider globaletako bat energiaren sektorerako. Energia ekoizpen proiektuetarako hornitzaile aktiboak gara -iturri konbentzional zein garbiekin- eta trantsizio energetikoarekin konpromiso sendoa dugu. TRGk H-Acero proiektuan laguntzen du, altzairugintzako azpilen lehortzean ezagutzak emanez, bai eta birberotze- eta oxiebaketa-labeetan ere, sektoreen arteko lankidetza-estrategiaren barruan ezagutza lortzeko eta merkatu deskarbonizatu batean lehiakortasunari eusteko helburu bikoitzarekin.

Title

ArcelorMittal taldeak 2030erako CO2 isuriak % 30ean murriztearen eta 2050ean karbono isurketa hutseko balantze garbia lortzearen aldeko apustua egin du. Hori dela eta, H-ACERO proiektua trantsizio horri ekiteko eta hurrengo urteetan hori errealitate izan dadin beharrezkoa den ezagutza lortzeko une egokian iristen da. ArcelorMittal Olaberria-Bergara produktu luzeen jarduera-eremuaren barruan kokatzen da, profilena, zehazki, eta proiektuan aurreikusitako laborategiko entseguetarako beharrezko laginak hornituko ditu.

Title

Thermal Engineering & Refractory solutions: Gure zerbitzuen nortasun eta kalitate ezaugarri bihurtu den jardueren konbinazioa, sinergia argiak direla eta. Uztarketa perfektua eta gure arrakastaren gakoetako bat. INSERTECek H-ACERO proiektuan lan egingo du, erregai alternatibo gisa hidrogenoa erabiltzeak sortutako baldintza berriei erantzungo dien erregogorren belaunaldi berri bat garatzeko erronkarekin: lehengaiak hautatzea, formulazio berriak garatzea, fabrikazio-prozesuak optimizatzea eta estaldurak instalatzea.

Title

SIDEREX (Asociación Cluster de Siderurgia) lankidetza ekintzen bidez sektore siderurgikoaren lehiakortasuna handitzea helburu duen erakundea da. H-ACERO proiektuan hedapen-ekintzen bidez sektore siderurgikoak hidrogeno berdea deskarbonizazio jasangarria lortzeko energia-iturri alternatibo gisa erabiltzearen ahaleginari ikusgarritasuna emanez laguntzen dugu.

Title

Altzairugintzarako erregogor dolomitikoen lider gisa, REFRACTARIOS KELSEN S.A. -ek bere baliabideak eta ezagutzak ikerketara eta bezeroekiko lankidetzara bideratzen ditu, honela sektorearen etorkizuneko erregogorren beharrei aurrea hartzeko. H-ACERO-ren partaidea izanik, REFRACTARIOS KELSEN S.A. –ek bere produkturik aurreratuenak proiektuaren esku jartzen ditu hidrogenoak labeetako estaldura erregorretan izan dezakeen inpaktua aztertzeko.

Title

Celsa siderurgia-taldearen barruan, Nervacero eraikuntzarako altzairu uzkurtuak egiten dituen ekoizpen-lantegia da. H-ACERO altzairuaren industriak hidrogenoa bere prozesu guztietan erabili ahal izateko bide bat da.

Title

Sidenorren altzairu luze berezien ekoizpenean aitzindariak gara, baita kalibrazio produktuen hornitzaile garrantzitsu bat ere Europar merkatuan. H-Acero proiektuan, bazkide industrial gisa, hidrogeno berriztagarriarekin egindako errekuntzaren epe ertaineko bideragarritasun industrialari buruzko egungo zalantzei erantzuna eman nahi diegu. Hau, konpainiaren deskarbonizazio eta altzairu iraunkorren fabrikazio estrategiarekin bat dator.

TEKNOLOGIA ETA IKERKETA ZENTROAK EUSKAL SAREA

Title

CEIT foku anitzeko zentro teknologikoa da, hainbat sektoretako enpresekin lan egiten duena (trenbidekoa, aeronautikoa, automozioa, osasuna, fabrikazioa, energia edo ingurumena), ikerketa aplikatuko proiektuen bidez balio erantsi handiko irtenbideak sustatuz. Ceit-ek H-ACERO proiektuan hidrogeno-errekuntzaren aplikazioak altzairuen metalurgian duen eragina aztertuko du batez ere eta, halaber, material erregogorrak fabrikatzen dituzten enpresekin elkarlanean arituko da hidrogenodun errekuntza-sistemen eskakizunetara egokitutako formulazio berriak garatzen.

Title

TECNALIA Espainiako ikerketa aplikatuko eta garapen teknologikoko zentrorik handiena da, Europan erreferentea eta Basque Research and Technology Alliance erakundeko kidea. Proiektu horretan, TECNALIA partzuergoarekin lankidetzan arituko da, errekuntza siderurgia-prozesuaren barruan ezartzeko, maila teorikoan nahiz esperimentalean.

Title

Tubacex enpresaren I+G unitatea, altzairu herdoilgaitzezko soldadurarik gabeko hodiak eta aleazio eta nikel-aleazio handiak fabrikatzen dituena, egoitza soziala Laudion (Araba) duena.

Title

Sidenor I+Gren jarduera lehiakortasuna handitzera bideratuta dago, kalitatean, kostuetan, produktibitatean eta gure bezeroekin produktuak garatzean hobekuntzak eta berrikuntzak eginez.

LORTUTAKO GERTAERA NAGUSIAK

Title

H2 atmosferen eskakizun berrietara egokitutako material erregogorren belaunaldi berri bat garatzea.

Title

Birberotze- eta oxiebaketa-prozesuetan H2 errekuntza-atmosfera berriak erabiltzeak altzairuaren kalitatean duen eraginari buruzko ezagutza metalurgikoa sortzea.

Title

Industria-teknologia garatzea prozesu siderurgikoetan H2 intentsiboki erabiltzeko.

Title

Aplikazio siderurgikoetan H2 erabiltzeko segurtasun-zehaztapenak.

Title

H2 errekuntzarako prototipoak (erregailuak eta ekipoak) fabrikatzea.

Title

Laborategiko eskalako eta prototipoko lehen probak garatzea.

EKIPAMENDUA ETA IRISMENA

H-Acero

CALENTADOR CUCHARAS Y ARTESAS

KOILARA ETA ARTESEN BEROGAILUA

· Material erregogorren garapena
· Laborategiko saiakuntza eta post morten analisia
· Prototipo-saiakuntza (iraupen laburra)
· Koilara-erregailuen diseinua

HORNO DE RECALENTAMIENTO

BIRBEROTZE-LABEA

· Laborategiko saiakuntza eta material metaliko eta erregogorren post morten analisia
· Prototipo-saiakuntza eta post morten analisia
· Labearen portaeraren zenbakizko modelizazioa

INYECTORES EAF

EFA INJEKTOREAK

· Injektore eta erregailuen CFD diseinua

OXICORTE

OXIEBAKETA

· Produktuaren ebaketan oxiebaketa aplikatzeko proba-bankua eraikitzea
· Probeten gaineko materialen saiakuntzak eta karakterizazioa
· Aplikazioaren bideragarritasun teknikoa

EMAITZAK

H-ACERO proiektutik ateratako konponbideei esker, esfortzuari eusteko baliabide berriak sortu ahal izango dira, eta, beraz, proiektuan parte hartzen duten bazkideek ikerketa- eta garapen-jarduera berriak hasi ahal izango dituzte, enpresa-berrikuntzaren dimentsio globala bultzatuz.

RVCTIko 4 agenteren parte-hartzeak, CEIT, SIDENOR INVESTIGACIÓN Y DESARROLLO, TECNALIA eta TUBACEX INNOVACIÓN, Euskadiko gaitasun zientifiko-teknologikoen aprobetxamendua sustatzen du.

Proiektua partzuergoan parte hartzen duten enpresek hidrogenoa siderurgia-prozesuan nola erabiltzen duten jakiteko lagungarria izango da, eta euskal ekonomian trakzio-efektua indartuko du.

Aurreko guztiagatik, H-ACERO proiektuak partzuergo orekatu bat du, emaitza orokor gisa, siderurgiaren esparruko teknologia eta prozesuetan hidrogenoaren aplikazioaren jakintza izango duena. Emaitza horiek etorkizunean produktu eta prozesu berrietan islatuko dira.

Deskargatu

KONTAKTUA

hydrogen@sarralle.com

10 + 3 =

Eusko Jaurlaritza - Gobierno Vasco
Feder